認識我的朋友大都聽過haku乃是犯罪連連積案如山的百厭仔!

案件不一一細數.......而最近讓我甚頭痛的並不是他又打爛了什麼或到處撒尿開大.....而是"蠅"事兇殺案不斷......

最近出現在我家的蒼蠅忽然變多, 而且都很大隻.....總是在假日的下午時份到訪, 當然貓貓們高興萬分, 即場追捕撕殺~身手最敏捷又野性的haku要捉蒼蠅是易如反掌, 看他一出手便捉到, 並馬上企圖生吞大蒼蠅, 手快快口快快, 我看到馬上讓他吐出來.....真嘔心! 好幾個禮拜下來, 久不久都有看到大蒼蠅, 我都會阻止他追捕以防他又吃掉.....

昨天我還發現幾隻大小昆蟲腳躺在窗台上.....其實我也明白此乃天性, 但實在嘔心.....我不在家的時候不知他已吃掉了多少隻.....所以我買了bug scare電子驅蟲器.....希望蒼蠅都不要來送死.......

此篇乃haku野仔篇, 所以要配合一下他的野仔睡姿及坐姿.......

剛到家不久的少野仔~

現今豪放的肥野仔~

佢又唔怕碌落黎.......

請問你做咩..........?!

你又做咩.............中秋扮嫦娥奔月呀?????

後面明明冇野唉....又可以坐成咁既???

吊床版野仔........

最後要大聲講句:

haku你唔准再食蒼蠅呀呀呀呀呀呀呀呀呀!!!!

今日先發現..........原來你同mio一樣都識呢招wor....

傻仔追波........

haku: 勁呢.......

haku: 型呢.......

haku haku.............

點解你同mio都識執波既???

haku: .......................................^_^..........................

..................因為我地都係傻架.................

開工前, haku已經霸住黎訓~

拿拿拿, 咪又係度搞搞震囉~

製作中..........睇下~ d手工好到你唔信o掛.....呢d叫亂花步....

整好喇!

率先放係yoru房度, 睇下yoru like唔like先.......

yoru體驗中.......

yoru: 咁高既?!

yoru: 麻麻地o者......

到haku: 都ok吖....

卡西就飛咁快落黎逃走.....相都未影........

yoru唔鍾意我就唔整多個啦, 放係廳~

變成吊椅中的吊床........

yoru再黎試下.......

都係一般啦.....

haku又黎搞搞震, 搞到yoru都要速逃......俾我捉住佢隻手...!

你多手呀!!!

haku: 係咩.......?! 不過我又得逞呀.....哈哈~

我依家好鍾意吊床呀!!

卡西呢?! 最初都唔訓架, 依家又好似haku咁, 成日都訓吊床囉~

除左貓貓鍾意吊床外, 我都超鐘意訓吊床架!!

呢張係o係墾丁夏都沙灘既吊床, 深夜時份訓係度真係relax到痺~~~!!! 到依家我都好想去再訓下.... 邊位有興趣去墾丁既可以考慮住夏都沙灘酒店, 酒店有自己既私人沙灘, 仲好大tim架....!

這兩天yoru都好好胃口, 吃多了, 今天更變為大食yoru~~~ yeah!

yoru一向吃得少, 未病發前也一直吃得不多, 今天她卻出奇地大吃起來, 真讓人高興呀!!!

今天早上吃了innova x 1 (小扭蛋殼半個份量), 生肉餅半塊~

(平常我要她吃的份量是innova x 0.5, 生肉餅半塊)

晚上回來前, 即是下午時份, 她把我出門口前準備的innova x 1 都吃清光!! 真不能相信....平時她吃完早上那一餐, 下午那些innova都只吃一點點或一半.....今天她竟然在我回來前吃清!!! wooo~!

然後再吃almo nature - salmon, 昨天她吃almo nature時都不用加上小吃都吃清, 今天也是, 她快快吃完半罐我見她好像還想吃, 就馬上去拿另外的半罐給她吃, 果然還是吃掉了, 就只剩下一口....!!! 真是奇蹟呀!!!! 我從來沒看過她吃那麼多主糧!!! (零食除外, 零食她會不停要....) 她啃掉了一罐呀!! 平常她只吃半罐....

再來再來, 到生肉餅.......像平常一樣吃了半塊!! (果然還可以吃, 之後我又去弄innova, 她又吃了一點!)

yoru吃innova~

因為加了小食碎, yoru食到一嘴都係....哈哈~

真好呀! 大食yoru好野! 真係叻.....她每吃完一份我都有讚她叻呀! 哈哈~

大食yoru咆哮~~~ "我好叻架!"

雖然這一個月睡少了, 出街少了, 洗錢差不多要到萬, 不過換來跟yoru多一點的相處時間, 我卻堅定地認為是值得的! 我們都會繼續努力fight低fip呀!!!

現在每天都要吃藥~

-抗生素

- 類固醇

- 防止腹水流入血管的藥粉

- interferon omega feline 干擾素 (針)

除了藥以外, 就是吃supplements, 食supplement 可以增強抵抗能力, 好有幫助架 ~

-1/2 粒靈芝

- more than c(multi vitamin)

-immune warrior

- 深海魚油

(以上的supplements 除了靈芝,都是from菁菁的shop - o.i.c)

http://shop.oic.hk/

我每天早上及晚上都化身執藥妹係度整藥丸俾yoru食......

將1, 2, 3, 4, 5 依次序塞進T1膠囊內 (早上用pill pockets, 而晚上因為份量太多, 所以改用大 膠囊)

T2 就係魚油喇~ (老實講咁大粒叫我吞我都吞唔到.....=.=)

魚油其實可以混進濕糧內給貓貓食, 但遇上聰明絕頂(^_^)的貓貓如yoru就唔得喇, 得第一日中招, 第2日就識醒唔吼架啦....

所以我要用餵藥捧餵藥丸, 重點是要狠!

狠狠地塞進喉嚨定, 現在已熟手喇, 不過都係久唔久失手, 唔夠狠囉.....試多幾次就得......每食完一粒就俾佢食粒零食, 等佢唔好咁憎我嘛....仲有make sure 佢吞左....哈~

跟住係主糧&零食喇~

yoru大小姐的食糧全部升級, 因為佢唔係好味野就唔食嘛.....

主糧

-stella & chewy 生牛, 雞扖 (oic)

-almo nature salmon, seafood等 (oic)

-innova evo 乾糧配所有小食(oic)

小食

bravo 鱈魚, 三文魚, 火雞心(oic)

cat man do 木魚(oic)

sheba snack(apita)

temptations

魚仔, 蟹小吃...

跟住係無聊野..............

我的yoru fip diary......低b插圖......

因為每日都有記下yoru早上, 夜晚食左d咩, 食左幾多, 所以我有時都會畫下野咁lor~

應該冇mud人睇到我d外星文架啦~ ^^

跟住係yoru最最最update既相呀!

想睇下yoru有冇肥到就睇呢d啦!

佢由最初2.3-2.4kg, 到依家2.76kg, 肥左不過冇腹水呀!! ^^

佢依家左眼朦左, 有d protein係入面wor, 不過話可能會退, 滴緊類固醇眼藥水........

係咪肥左呀?!

yoru話玩完要訓一陣先呀, good night~

之前放左係fb度, 竟然冇放係blog度......咁靚點可以唔放係度呢?!

快d黎讚美yoru啦~

yoru, 妳好靚呀~~~

yoru

yoru

yoru

yoru

睇下yoru, 都未拆就坐上去, 實行霸住先~~

haku就有樣學樣啦~ 你霸我又霸~

嘩~~~~ 有金執呀??????

呢個曳haku 係度捕住yoru, 想撲yoru趕走佢呀.....(佢個衰仔唔係得個"想"字, 係真係有實行架, 都唔就下有病既yoru既........)

忽然發覺yoru你個紋身係心型黎架咩???~ 好靚bor~

終於到haku啦~

oh~~ yoru你個樣好cute呀~~

你睇yoru幾enjoy~

你兩個咁friend一齊坐呀?!

卡西話到我一個坐未呀, 你走未者?!

卡西: yeah~

近來都忙著迫yoru吃吃吃~盯著她吃.... 吃一下罐罐, 吃一下脫水生肉餅, 吃一下innova, 吃一下鱈魚乾, 木魚, 魚仔, 蟹小吃, sheba小吃........要多一點點變化, 加下這個加下那個, 務求她能夠吃完一定的份量........

難度則在於她有點............"飄忽"...............................

一下很喜歡吃生肉餅, 吃一點點忽然不吃............換個almo nature-seafood又開始吃.....

下次讓她吃almo nature-seafood她又可能要吃生肉餅......

生肉餅可能走了氣, "林"了一點, 又不吃了.....換一包新的卻又像遇上超級美食一樣啃掉了差不多一整塊........然後第二天可能又不想吃.......

早前已發現yoru對於碌到地上的食物比較有興趣!~

就是吃到一段時間她開始不吃了, 如果我把食物丟在地上碌幾碌, 她會好像看不過眼要把它吃掉.....而剛才我又發現丟到她腳邊效果好像會更好...........真奇怪.........

kazi~ 關於吃~

kazi吃東西特別在於她很會用手吃..........很有趣........我懷疑她是印度來的貓貓.............

她把手當湯匙一樣在碗中撈一點出來, 不是把食物撥到地上吃, 而是捞出來再放在嘴邊lam呀lam.......真有趣!!

另外, 當她吃大塊新鮮肉時也會用手邊"按"著肉塊邊吃, 一邊吃之餘又要每隔3, 4秒就轉頭看看旁邊的haku有沒有準備過來偷吃, 有時則會邊吃邊"wu wu wu"以示警告....

haku~ 關於吃~

haku呢?! 有什麼特別嗎?????

除了去偷吃yoru & kazi的美食外, 就是搶吃吧~~

他對於"吃"的目標很清晰, 勇往直前!!! (去yoru房的糧兜前面吃吃吃)

無lar lar 係sofa訓著左, 訓左好耐, 大概2個鐘?! 我平日都唔會係sofa訓著架......所以自己無端端係sofa訓著自己都有d出奇......

死死地氣起身, yoru已經係走廊等緊, 係度叫.....

返入房先發覺原來我走出去係要去攞貓沙~~~~ 個厠所搞左一半連蓋都冇kum返.....真係short short地....

可能係近排比之前更夜訓........搞下yoru啦, 顧下出面haku, kazi啦....又係度勁上網啦.....(可能有人會話我自己攞黎既.....係啦係啦.....)

好! 睇下arm arm yoru仲咩無lar lar怪叫????

原來係卡西係度裝裝下~~

跟住haku又黎八下~

呢幾日成日都想update下haku同卡西玩同訓~

不過都係未寫....

先放住張新既親密照先......

好彩佢地friend 得切咋, 有個同伴.....

唔係咁樣隔法, 佢地又唔friend既話, 真係唔知點~

睇下個世界仔haku, 個個都玩, 個個都痴~

聽日yoru覆診, 有少少緊張......唔知點呢?!

btw, 我今日叫做學識左點將d藥塞係喉嚨ding度啦, thanks vicky! ^^

先去洗個澡.......再續~

**************************************************************

這幾天餵藥& supplement愈來愈難餵了~!

一開始yoru會吃, 第一天還不錯, 把supplement放在濕糧裡加上可口非常的生鱈魚乾, yoru可以吃個清光, 藥也可以塞進她口內便吃掉了......可是第二天便開始不行了......加了一堆鱈魚乾也不吃....針筒便出動了............可是搞來搞去, yoru當然不會輕易就範.....於是接下來的愈來愈花時間~每次都弄得滿手supplement, 牆上又有, 地下又有,  我的衫褲都有...搞得現在連我都很討厭那種靈芝味.......

而藥丸演變到加在temptations上也不吃...或吃了零食卻吐出藥丸等, 有天還把藥吐到櫃後面, 要執也執不到~

人手強行塞進嘴巴, 脷伸伸把藥丸頂出來, 這樣我塞妳頂的動作上演了n次後, 藥丸溶了......yoru忽然不停流口水, 滴呀滴, 口水不停湧出來, 脷又不停伸呀伸....嚇得我........不知是藥丸太苦還是脷抽筋..?! (不知是否有脷抽筋這回事, 但我當時卻是這麼想......問過vicky, 原來是藥太苦喇~~~)

一整張yoru口水紙~~~

就這樣, 一天比一天難......於是買了pill pocket~

第一天成功~ 可是我看她吃時, 看見她咬到藥丸後怪表情然後剩下一點點沒有吃完, 就估到她大概又是被騙一次, 下次不會上當~ 今天我把pill pocket左塞右塞, 搞一輪才完成~~

餵藥戰後

現在, 我懷疑yoru已經開始嬲我迫她吃藥啦~~! 經常自己一個坐在卡西房不跟在我身邊......

跟回來的時候兩個樣啦!!! ........................

*****************************************************************

今天去買了個勾磅幫佢地磅重, 估下邊個最重呢???

登

登

登

登

是kazi~~!! 榮登磅首~~ 有2.85kg(6.27 lb), 跟住係肥仔haku-2.55kg(5.61 lb), 再黎係yoru-2.4kg(5.28 lb)..........

yoru同kazi都係差一磅咋喎....都好似唔係差好多o者....?!

而haku得5個月追上黎啦, 肥仔!

真係晴天霹靂......

一直以為yoru近來唔多願食, 除了嘴叼細食外, 最大原因係卡西黎左, 佢唔多鐘意, 心情唔靚所以成日食得個少少.....

10/2 發覺真係有d唔妥, 呼吸有d急促, 於是book左第二日睇dr.maggie....上網有睇過, 自己估係氣管炎之類, 應該醫得好....點知dr maggie話應該係f.i.p.....我都冇咩反應....好似網上睇過但又唔係好記得係咩.....只知道唔係好野.....yoru之前成日都會有鼻涕, 都去睇過好多次, dr maggie話可能因為細個d cat flu 影響到佢有d受損, 係會差d容易感染......見佢d抵抗力咁差, 我之前有search過睇過fiv, fip之類.....都係度諗會唔會係....但睇話好多都唔發就冇事...所以又覺得冇咩野... 而fip d 文章亦睇過, 但大概冇睇得好清楚, 睇唔到死亡率100%的字眼..................

所以佢地講f.i.p. 我都知衰, 但唔知f.i.p 係衰成咁....

助護帶yoru入去氧氣箱休息, &抽腹水....叫我出去等....我就問佢借本有講f.i.p 既書睇了解下..........一睇..............睇到死亡率100%..............冇得醫咁滯......拿住本書沉晒........

抽完入去, 佢都話唔係咁樂觀, 好可能會lost佢等等.....嗚....

中間問助護有幾多時間, 佢話通常fip少既幾日, 多既一個月, 多d都有, 不過少d.....

吓.......................??!!!! 幾日??????????????????????!!!

嚇死得..........因為第二日要再check, x-ray...問我要俾佢留一日定返屋企.....我當然問佢邊樣對yoru好d....佢話差唔多....有d人想爭取時間陪隻貓會先帶返屋企...而留係度就方便d........

爭取時間??? 吓.......??? 真係咁大鑊咁快...???!

諗諗下就選擇留院, 因為我見佢地有氧氣箱, 有咩事都可以入去, 係屋企萬一佢真係透唔到氣就大鑊....

yoru係個氧氣箱入面都勁嗲.....俾手佢係度勁high我隻手....

心up都爆....

之後一條友返屋企, down down down......

第二日再去接佢, yoru精神幾好, 仲跳左上去dr.maggie 個架上面行.....再照x-ray, d肺呀, 腎呀, 有少少脹大, 但唔係衰竭....

食住類固醇同抗生素先, 報告出覆診時再睇下試咩藥~

就係咁, 我地係好大雨既情況下等taxi返屋企.....坐到半路醫院打黎話我漏左個銀包係度.......@@"............(呢個係題外話...)

yoru係taxi度都係嗲, 成日叫.....

由醫院返黎之後, yoru就勁嗲.........佢回復返以前既yoru, 肯返上我床到訓, 仲有一朝早會係你隔離狂叫.......自從haku同kazi黎左, yoru就唔上我床訓, 就算我關左房門haku or kazi係廳, 得返yoru同我係房佢都唔係我床到訓...........以前佢晚晚都係我隔離訓架...

依家我做左隔離, haku同kazi係廳, yoru 有走廊, kazi房同我房.....

yoru就唔知係因為醫院返黎之後開心定係同haku&kazi隔離左之後開心.............仲之, 佢返黎之後就好開心, 成日咕嚕咕嚕, 鐘意講野, 勁嗲................搞到我d唔開心既mood都冇晒.....

而且佢仲算肯食野, 情況都幾令人滿意....

令我開始覺得佢會唔會唔係F.I.P.呀..........???!!

yoru一返黎食佢鍾意既 "生肉餅"

近排食新鮮牛扖~

yoru好like d牛肉汁......

ciao 魚扖竟然好似唔係咁吸引......

今早休息下先~

前晚玩da bird~

仲有undercover mouse

睡睡睡~

坐返係個yoru墊上面先~

依家食緊呢d supplement 同藥~

睇下yoru同個cusion d 表情差唔多~

雖然個吉他同yoru好襯, 不過佢唔多like~~

終於返上我張床到啦~

yoru飲水水, 係蒸餾水, 好d架wor~

今日up左好多video, 先放yoru呢幾日既先..........

yoru 朝早係度"唔唔唔" 同 "arw" "arw""arw"~~

佢都唔多似係好病吖~

haku 跟卡西兩個特別喜歡在早上深夜睡覺的時份在你追我逐, 受不了我就把他們請出去關上房門, 到清晨就會聽到卡西在房門外大叫開門, 有時候他倆應該在門外打摔角, 抨抨彭彭吵得我不得不開門.......門一開他們就衝進來......玩.........又受不了, 把haku一個丟出去, 通常就會回歸平靜~

以前yoru跟haku時代, yoru都不會跟haku玩追逐, 因為yoru不喜歡跟haku玩....現在卡西來了, haku就有了對手, 他大概玩得很高興吧!

好吧, 這幾天假期, 來看看他們早上都在玩什麼吧~

星期天的早上, 我在睡覺, 他們在玩窗簾..........爬上吉他上抓呀抓, 抓到窗簾都掉下來........那時候在睡覺的我睜開眼看到元兇是卡西........可能跟haku做朋友被帶壞了?!.......

然後通常早上卡西與haku都喜歡玩摔角........

看看他們的摔角賽~

haku & kazi: 哈哈哈~ 我們都玩得沒完沒了~~~

要不要看看片??

打打打打打~~~到最後可能累了, 就玩下尾尾黎結尾囉~

另外, 還有今天買了新的da bird羽毛, 好久沒有玩完整健全有聲音的da bird了吧, haku玩得氣喘如牛~~ 哈哈~ 他就是爛玩王嘛~卡西也有玩, yoru就係咁易玩下~

yoru 頓變成了比mio更摺耳的冒牌摺耳貓.......嘩嘩地叫.....不要過來................

yoru這個表情, 老實說.........實在很搞笑.....我非常愛....哈哈哈~~~

yoru跟kazi暫時還未能成為好朋友呢.........雖然我覺得她們應該會很夾...可是, yoru 好像不喜歡其他貓貓......kazi一走近便怒吼, 而kazi也不甘示弱..... fee yoru 還以顏色, 更槓起背, 豎起全身及尾巴的毛搞對抗~~~兩位小姐都互不相讓......@@"

**********************************************************************

當panda柸遇上haku

***********************************************************************

 當眼訓的haku遇上卡西

***********************************************************************

當yoru遇上周公

***********************************************************************

當haku忽然遇上了肥肉

***********************************************************************

當卡西遇上了自己的毛毛球